Sexadazu, gazteentzako sexu-aholkularitza

Zer da SEXADAZU?

Udal zerbitzua da, doakoa, 14 eta 30 urte bitarteko gazteentzat pentsatua. Sexologiako profesionalak aurkituko dituzu bertan, zalantzak argitzen eta sexualitateari buruzko egiazko informazioa aurkitzen laguntzeko. 

Sexadazu gizarte-eragileentzat.

Gazteekin harremanetan bazaude (hezkuntzan lan egiten baduzu, guraso bazara…), guri ere kontsulta diezagukezu.


Zertarako?

Zalantza hauek eta antzekoak argitzeko:

  1. Sexu-identitatea: "Bulba izan arren, mutil sentitzen naiz".
  2. Desioaren orientazioa: "Ez dakit mutilak, neskak edo biak gustatzen zaizkidan".
  3. Sexu-bizipenak: "Normala al da nire zakilaren tamaina?", "Nirekin sartzen dira, marimutila naizela esanez".
  4. Erotika: "Ez dut esperientziarik", "Bikotekidearekin aurrerapauso gehiago egitera behartua sentitzen naiz", "Ez dut plazerik sentitzen koitoan"
  5. Antisorgailuak: "Informazio fidagarria behar dut", "noiz hartu behar da pilula hurrengo egunean?", "Nola dakigu zein komeni zaigun?"
  6. Jokabide erotiko arriskutsuak: "Kondoia zulatu zaigu", "Azkura dut bulban, zer egingo dut?"
  7. Zailtasunak bikotean: "Azkenaldian asko eztabaidatzen dugu", "Nire mutil-lagunak kontrolatzen nau mugikorraren bidez"...
  8. Tabuak: "Lotsatzen nau etxean galdetzeak"...
  9. Lagun diezazuketen baliabideak (liburuak, filmak...).

Eskura jartzen dizugu nahi beste informazio, prozesuetan laguntzeko. Hala ere, nahikoa ez bada, behar duzun baliabidea bilatzen lagunduko dizugu.


Nola egin dezaket kontsulta?

Hainbat aukera dituzu:

A) Nahi duzunean: mezua bidal dezakezu, eta erantzuna ahalik eta lasterren jasoko duzu, nahiz eta 5 egun ere behar izan dezakegun. 

Presazkoa bada:

B) Gure ohiko ordutegian, astelehenetan, 18:00etatik 20:00etara:

  • 689 11 69 37 telefonora deituta.
  • Aurrez aurreko kontsulta nahiago baduzu, dei bidez egin dezakegu.

Ez ahaztu konfidentzialtasuna eta anonimotasuna bermatuak daudela. Banaka, bikoteka, taldean... egin diezagukezu kontsulta. Zeuk erabaki!

Zure zalantzak, galderak, kezkak... bidal ditzakezu. Gure sexologo taldeak erantzungo dizu.

  • Hobeto konpon ditzagun, jarraian datozen datuak betetzeko eskatzen dizugu.
  • Idatzi zure kontsulta irakurtzeko moduan eta osorik. Zenbat eta informazio gehiago eman, orduan eta hobeto erantzungo dizugu.
  • Inprimaki hau konfidentziala da.
  • Egun gutxi barru jasoko duzu zure erantzun pertsonalizatua.

* Nahitaezko datuak



Kontaktua eta hitzordua eskatzea:


Informazio hau partekatu

Alkatea, Ander Aibarro Auzoen zinegotziak Herritarrak Atenditzeko Zerbitzua Egoitza elektronikoa 2019-2023 Legegintzaldirako Plana Ekintzen jarraipena: kontu ematea 2020KO ENPLEGU PUBLIKOAREN ESKAINTZA Hiri Mugikortasun Jasangarriaren Plana Gardentasun ataria Egin zure ekarpenak Hurrengo ekintzak Egin ezazu zure kontsulta / Hobe ezazu zure herria Manda tus noticias a la info-agenda Zuin Facebook Gazteon Laudio Diru-laguntzak Helbideratu ure zergak Prestakuntza-ikastaroak Nire ordainketa Ikus industrialdea 2030 Agenda, udalerriaren garapen jasangarrirako ibilbide-orria Gazteposta: Iragarki taula Laudio Top Zinema Autobus ordutegiak Laudio Garapen Agentzia